上一页

ⓘ 紙



                                               

紙 (粵拼: zi 2 )一張平而簿嘅纖維,多數係用來寫,畫或者印嘢。而裏面嘅纖維係由纖維素構成。常見嘅紙纖維係來自木漿樹,多數都係軟木。之不過,其他植物纖維好似綿、麻、大麻、米都可以造紙。

                                               

過底紙

過底紙 ,又叫做 碳紙 ( 碳式複寫紙 嘅簡稱),係一張響上面寫字,會印埋落下面嘅紙,係文具一種。過底紙嘅一面黐咗一層乾嘅墨或者色水;一般用蠟黐實。過底紙夾響兩張紙(或文件)之間,喺面頭寫嘢嗰陣,筆尖產生嘅壓力壓咗過底紙嘅墨落去下底張紙度,上面寫乜下面就印乜。 今時今日,獨立一張嘅過底紙(圖)已經好少見。影印機已取代咗佢復印文件嘅功能,不過而家,「過底紙」變咗一式多份嘅文件、收據嘅一部分,好似買嘢畀錢用信用咭,印出嚟嘅一式多份嘅收據,上面嘅資料同個簽名就係靠紙背面嘅墨過落張底度。同過底紙唔同嘅地方就係層墨好厚,可以用好多次,過底文件層墨好薄,一次過。 有人用過底紙嚟實驗藝術,當畫紙咁用同埋裝飾信封。

                                               

紙皮

紙皮 ,又叫 瓦通紙 或 瓦坑紙 ,係一種常用嘅包裝材料,由好多層紙組成,幾張平嘅紙黐埋一齊(等佢厚啲),再同折成波浪形嘅紙黐埋(波浪形比較好受力),噉樣一層平一層波浪形噉黐幾層,就得到紙皮。通常見到嘅紙皮係黃色嘅。佢比木要輕,又夠硬,兼夾容易剪開,而且又唔貴,所以好多人用佢。

                                               

咭紙

咭紙 ,係紙一種,比一般紙厚同埋硬,可以用來整各種咭,有顏色嘅亦可以用來做美工設計。

                                               

閃火紙

閃火紙 ,紙一種,燒得快,有閃光,唔留灰,魔術常用。故此又叫 火紙 、 閃光紙 、 魔術火紙 、 火焰紙 、 閃燃紙 等。實情係硝化纖維,經硝酸浸過嘅紙。 英文叫 flash paper 或者 magic flash paper 。

                                               

紙紮祭品

紙紮祭品 ,係用嚟燒畀已經仙遊咗嘅人去陰間用嘅紙祭品。陰間用嘅陰司紙金銀衣紙以及壽衣……等,統稱做冥鏹。 紙紮祭品通常係要用到藤枝,將佢紮成物品嘅外殼形狀,然後用唔同需要而剪裁出嚟嘅油紙,填舖喺藤枝與藤枝之間,等佢喺外觀上望落去同實際物品相似。因為藤枝可以任意扭曲,可以隨意造型,所以紙紮祭品嘅種類可謂包羅萬有,好似有可以畀先人用嘅紙紮大屋、傭人……等等;隨住時代嘅進步同埋娛樂嘅「需要」,甚至係有晒144隻紙造嘅麻雀牌、天九、唔同型號嘅手提電話、遊戲機、手提電腦……等,重可以訂造汽車、遊船、飛機、電視、音響器材呢啲大型少少嘅紙紮祭品畀先人用。香港已故著名歌影藝人梅艷芳出殯嘅時候,佢班徒弟更特登訂造咗一 ...

                                               

馬來紙鷂

馬來紙鷂 (爪夷文: واو بولن ;英文: Wau bulan ),係一個精心設計嘅馬來西亞風格月亮型紙鷂(通常有花卉圖案),傳統喺馬來西亞吉蘭丹州流行。佢係馬來西亞嘅國家標誌之一,另一啲作為木槿屬。馬來西亞5毫子硬幣(1989年系列)嘅反面顯示住精美嘅馬來紙鷂,頂部有hummer。馬來西亞航空(MAS)嘅logo係根據馬來紙鷂(cat紙鷂)。 馬來西亞有好多種馬來紙鷂,每種都有自己嘅特色。Wau kucing(cat kite)同 wau merak(孔雀紙鷂)係其中一啲變體。

                                               

格仔紙

格仔紙 (graph paper或section paper),又叫 方格紙 ,係紙上有橫綫直綫,可以跟佢縱橫畫嘢。因爲多數係正方格,所以叫方格紙。方格紙用來畫格欄幅(Graph)線。有時學畫圖都用方格紙,用來畫橫切面(橫斷面),亦都可以用來畫簡單打樣圖、構造圖同唔同平面圖、統計圖等。

                                               

ISO 216

ISO 216 ,即 國際標準216號 ,係國際標準組織 訂落來嘅紙嘅標準尺寸。呢種尺寸世界各國都有用,尤其係A4紙。尺寸係用長闊比來定制。ISO 216定落A系同B系,而C系就由信封標準ISO 269所立。 日本B系紙同國際B系紙尺寸有出入,唔可以媾亂。

                                               

公仔紙

公仔紙 係舊時細路玩嘅嘢,係一張張用紙做嘅卡片,形狀大細唔定,上面印有公仔圖案,所以叫公仔紙。

                                               

香港十緡紙

10蚊紙已經有好耐歷史,喺19世紀60年代開始由匯豐銀行同渣打銀行首先發行,原本好大張,1959年起發行嘅10蚊紙開始「縮水」,1985年起發行嘅10蚊紙又再縮細張啲。 香港主權移交前,政府授權匯豐銀行同渣打銀行發行10蚊紙,紙幣以綠色為主色,俗稱 青蟹 ,嗰陣10蚊紙喺兩間發鈔銀行所發行銀紙入面數量最多(以鈔票冧巴計),係當時主流面額銀紙之一。1994年,香港政府自行鑄造10蚊銀,10蚊由銀紙變成銀仔,發鈔銀行就再無印10蚊紙,匯豐銀行喺1993年新印刷銀紙嗰陣已經唔印;而渣打銀行就出到1995年。 政府原本諗住以10蚊銀嚟取代10蚊紙,但民眾對10蚊紙嘅需求仍然好高:一嚟因為10蚊銀好重,二嚟每逢過年時節,唔少人都鍾意用新銀紙嚟封利是, ...

                                               

原稿紙

原稿紙 ,又稱 原稿用紙 同 稿紙 ,紙一種,印滿方格,用來起稿,用於唐文、日文同韓文。現今常見原稿紙,起自日本,通常有四百格,亦有二百、三百、五百、六百等,用途唔同,格制亦有唔同。 原稿紙方格,方便排好唐字,及日文假名,及韓文諺文,及標點符號,齊齊整整,字數瞭然,方便拎來排版付印。未有電腦排版之前,作家寫作寫落原稿紙,廣用於出版。學校作文仍用原稿寫,以授傳統書寫。 另日本漫畫起稿用紙,亦稱原稿紙,有時叫漫畫原稿紙分別。

                                               

廁紙

廁紙 (又寫作 厠紙 )係設計畀清潔屎眼用嘅紙。屙完屎之後用來抹走黐住響上面嘅屎。另外亦都可以用來清理屙完尿之後,陰部淨低嘅尿滴。因為佢係廁所度用,所以叫廁紙。舊時廁紙用草嘅纖維做,所以又叫 草紙 。 廁紙同面紙嘅成份唔同。廁紙係設計到響水裏面會爛溶溶,以保持渠暢通。有某幾種廁紙係可以響化糞池度分解,但係面紙就唔可以喇。

                                               

新聞紙

新聞紙 係一種紙,主要用喺報紙同埋一啲廣告類印刷。 呢類紙嘅製造成本低啲,而且力量足夠承受高速印刷,又可畀到滿足到報紙廣告嘅四色印刷嘅品質,所以啱用喺印刷報紙。

                                               

紙嘥士

紙嘥士 (粵拼: zi 2 saai 1 si 6*2 )係按規範將張紙嘅長同闊整成固定嘅比例嘥士。而家全球各地大多數用嘅係ISO定嘅標準嘥士(例如A4、B5、A5、B3、C4紙),但唔同年代,全球各地都有各自嘅紙張嘥士。 個標準最先由德國科學家同哲學家 - - 基奧格 古列斯多夫 列希騰伯 喺1786年發現。嗰時佢發現長方形嘅長度為 2 {\displaystyle {\sqrt {2}}} 時,有好多個特征。直到20世紀初,德國工程師 華特 樸斯特曼 先至將呢個概念放到制定紙張嘥士嘅範疇,重喺1922年列入DIN 476(德國標準)。後嚟好多國家都用咗佢做而家嘅ISO 217國際標準。

                                               

紙巾

紙巾 ,係紙一種,係毛巾、手巾嘅代替品,用完可以丟,同草紙相比,紙巾比較韌,而且就算濕水都唔容易爛,所以如果當草紙來用就唔可以丟落馬桶,唔係就會塞住。 紙巾一般整成一包包或者一盒盒,而且好多都有特殊嘅香味。

                                               

紙杯

紙杯 係用紙做主要材料嘅杯,為咗避免滲水,多數都會有塑膠或者蠟嘅成份。 紙杯可以裝凍飲同熱飲,但如果裝熱飲就需要厚身少少。

                                               

花箋

花箋 ,箋一種,附有花紋嘅箋。相反,無花紋嘅就叫素箋。箋為啱書信大細嘅紙,用來書寫。花箋好多時文人用來寫信。所用嘅紙,多數由專業紙戶所造,以求光滑潔白。之及或再壓以布紋,或加石粉,或加蠟防蛀。之後,文人再私下加工,加上繪紋,如草木鳥獸之類。花箋工序繁多,顯得高雅,帶有文人自家色彩,身份象微。 花箋有布紋,或有仿古時布帛書寫之意。花箋制作,亦同布帛加工類似。 自大宋開始流行。宋時文人各處宦遊,所到之處,文房必須自行張羅,花箋有必要自己來,並無流行商品。宋時所用砑花,以彫版自己壓上花飾,類似今下浮水印。而明清就多數水墨印花。 大宋時砑花箋,有凹有凸,壓紋透光見影,石粉反光見形。然而都因歲月同後來加 ...

                                               

行街紙

行街紙 ,文件一種,容許出入街嘅紙。原本有禁令唔畀行街,有紙准就可以行,無紙行街就犯法。例如晚黑禁止出入,就要行街紙。亦有啲唔係本地人,非法逗留,因故批准暫時留低,得到行街紙出入。 唔畀行街嘅禁令,通常都係同治安有關。可能出於政變,可能出於暴亂,可能出於盗賊猖獗,可能出於非法移民猖獗,有種原因。 嚴重嘅叫戒嚴,然而由於都市要正常營運,亦唔能唔畀人街,禁令只限晚黑,即係夜禁或者宵禁。大唐時有夜禁,有人要漏夜出入縣出入坊,要拎到文牒先,就有如行街紙。 如果係晚黑嗰種,英文就叫 night pass 。

                                               

頁 (粵拼: jip 6 )係書每版紙入面,印有字或畫等嘅紙頁。可用嚟做文件嘅計量單位。

                                               

餐巾紙

餐巾紙 ,又叫 餐紙巾 ,係用紙巾整嘅餐巾,厚度同抹手紙差唔多,用完餐後可以抹手同抹嘴。

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →