上一页

ⓘ 古國



                                               

古國

古國 係唐字,可以指: 部落之間嘅聯盟,亦叫酋邦。 有長歷史嘅國。 遠古嘅國。

                                               

大夏 (中亞古國)

大夏 ,又叫做 巴克特里亞 (Bactria),係中亞一個古國。佢喺阿姆河南邊,興都庫什山北面,安息東面,身毒嘅西北邊。首都係藍氏城。 佢一直都認大月氏做大佬。佢哋因為軍隊弱所以唔鍾意打仗,所以當地人通常從商。

                                               

四大文明古國

四大文明古國 係喺漢語文化圈中流行嘅一個概念,一般用嚟指古巴比倫、古埃及、中國、古印度呢四個人類文明最早誕生嘅地區。但由於古文明缺乏準確嘅文獻紀錄,佢哋嘅具體誕生時間喺學術界重有爭論。有啲人話應該係古希臘而唔係古巴比倫,重有美索不達米亞同亞朮嘅講法。而人類而家所擁有嘅好多哲學、科學、文學、藝術等方面嘅知識,一般都可以追溯到呢啲古老文明嘅貢獻。學者認為四大文明都係建立喺河川臺地附近,原因係有固定嘅水源令農業同商業容易啲發展。而喺北半球嘅兩河流域、尼羅河、黃河、長江流域同印度河、恆河流域相繼產生咗世界四大文明。 文明古國喺距離而家7000年-4000年前,相繼由新石器時代進入青銅時代,進而步入鐵器時代。 ...

                                               

西夏

西夏 係党項族由1038年到1227年嘅國,由李元昊立國,國號 大夏 ,最後畀蒙古帝國亡咗。 西夏嘅統治範圍喺而家寧夏、甘肅西北部、青海東北部、內蒙古同埋陝西北部嘅一啲地區,疆域方圓幾千里。

                                               

扶餘

扶餘 (粵拼: fu 4 jyu 4 )係中國東北嘅古國,前239年立國,494年亡國,併咗入高句麗。

                                               

渤海

渤海 係中國沿岸一個海,響遼東半島同膠東半島中間,對出係黃海。

                                               

印加

印加 (粵拼: jan 3 gaa 1 ),又叫 印加帝國 ( jan 3 gaa 1 dai 3 gwok 3 )或者 印加文明 ( jan 3 gaa 1 man 4 ming 4 ),係南美洲古國,1438年正式立國,1533年畀西班牙滅咗。

                                               

渤海國

渤海國 (粵拼: but 6 hoi 2 gwok 3 ; 韓文: 발해 / 渤海 Balhae )係中國東北嘅一個古國,由粟末靺鞨響698年建立,嶺土最大包括朝鮮半島北面同外滿洲沿海地方,到926年被遼朝滅咗。

                                               

南詔

南詔 係喺雲南嘅一個古國,738年立國,902年因為被篡位而亡國,經過幾個短暫政權後,937年正式畀大理國取代。

                                               

康居

康居 係中國西部嘅古國,位置喺哈薩克南部,喺公元前2世紀到3世紀活躍。

                                               

烏孫

烏孫 ,古國,行國,約今伊犂河一帶。國為遊牧,居無定所。 漢皇帝劉徹,想擊敗匈奴,就使張騫出到烏孫,夾擊匈奴。

                                               

波斯第一帝國

波斯第一帝國 ,又叫 阿契美尼德帝國 或者 阿契美尼德王朝 ,係波斯古國,領土橫跨歐洲、亞洲、非洲,前550年立國,到前330年畀馬其頓王國征服。

                                               

于闐

于闐 ,又寫做 于寘 ,係中國西部嘅古國,位置喺新疆塔里木盆地南面,喺公元56年立國,1006年畀喀喇汗國滅國。

                                               

剛果王國

剛果王國 ,古國之一,喺非洲,行君主制,曾淪為葡萄牙附庸,亦為葡萄牙所滅。國土之後畀法國、比利時等瓜分。 剛果話叫 Kongo dya Ntotila ,又或者 Wene wa Kongo ,萄萄牙文寫 Reino do Congo 。

                                               

古迦太基

古迦太基 係北非古國,核心範圍接近而家嘅突尼西亞附近,用迦太基做中心,全盛時期國土去到伊比利半島南部同好多個地中海嘅島。佢大約公元前814年立國,去到前146年因為打輸布匿戰爭畀羅馬共和國滅咗。

                                               

吐蕃

吐蕃 係西藏一古國,元首叫贊普,京城叫邏些(即係拉薩)。 吐蕃響大約620年由松贊干布建立,開始慢慢壯大,640年唐朝唐太宗就將文成公主嫁過去示好。到841年贊普朗達瑪下令滅佛教,畀僧人殺咗,兩個仔為咗爭王位而內戰,最後亡國。

                                               

塞琉古帝國

塞琉古帝國 係美索不達米亞一個古國,前312年由馬其頓王國分出嚟,前63年畀羅馬共和國滅國。

                                               

夜郎

夜郎 係中國漢朝時所謂「西南夷」入便最大嘅國。夜郎嘅中心位置到而家都未有定論,學術界嘅分歧亦好大,有學者認為係喺而家貴州六盤水畢節一帶。關於夜郎國嘅記載主要喺見到,而根據考古的嘅資料,一般認為夜郎喺中國嘅戰國時代已經喺度。 漢書記載,夜郎王興喺漢成帝河平二年(前27年)舉兵反漢,漢朝派兵誅滅,夜郎國亡,改設郡縣。 可樂係夜郎鼎盛時期嘅政治中心,可樂遺址喺而家貴州省赫章縣,係中國「全國重點文物保護單位」。

                                               

大宛

大宛 係中國西部嘅古國,位置喺中亞費爾干納盆地,喺公元前2世紀到4世紀活躍。

                                               

月氏

月氏 (「氏」讀「支」)係中國西部嘅遊牧民族,位置喺甘肅西部同新疆東部,喺戰國初期已經存在。前2世紀,月氏畀匈奴打,分咗做兩部份,向西搬去伊犁嘅叫 大月氏 ,留喺甘肅同青海嘅叫 小月氏 。

                                               

樓蘭

樓蘭 係中國西部嘅古國,位置喺新疆羅布泊西北,喺公元前2世紀之前已經存在。前77年,西漢使者傅介子刺殺樓蘭王安歸,改立佢細佬尉屠耆做國王,改國號鄯善。

                                               

腓尼基

腓尼基 係西亞古國,範圍接近而家嘅黎巴嫩,大約公元前13世紀立國,去到前539年畀波斯帝國嘅居魯士大帝滅咗。

                                               

貴霜

貴霜 ,又叫 貴霜帝國 、 貴霜王朝 ,係公元1世紀到4世紀期間中亞一個王朝,全盛時期疆土包括由塔吉克去到裏海、阿富汗同恆河流域,同嗰時嘅羅馬帝國、安息帝國、大漢帝國並列做「四大帝國」。貴霜喺30年由月氏首領丘就卻立國,到375年畀笈多滅咗。

                                               

鄯善

鄯善 係中國西部嘅古國,位置喺新疆羅布泊西北,喺公元前77年取代咗樓蘭,嗰年西漢使者傅介子刺殺樓蘭王安歸,改立佢細佬尉屠耆做國王,改國號鄯善。鄯善喺5世紀開始逐漸消亡。

                                               

閩越

閩越 係福建嘅一古國,呢個國嘅國君姓騶氏,係越王勾踐嘅後裔。相傳係前334年越國被楚國滅咗之後遺民南下而建立嘅,直到前110年畀漢武帝派兵滅咗。

                                               

阿卡德帝國

阿卡德帝國 係美索不達米亞一個古國,亦係人類史上頭一個帝國,約前2334年立國,前2154年滅亡。

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →