上一页

ⓘ 孫文



                                               

孫文家族

孫文家族 係指中華民國國父孫文嘅家族,曾經係一個政治大家族,同宋嘉澍家族、蔣中正家族有關係。

                                               

總理遺囑

總理遺囑 ,孫文所立嘅遺囑,但唔係佢親筆寫,而係眾人代佢擬。當中「革命尚未成功、同志仍須努力。」依句,就係出自依份遺囑。孫文喺民國十四年死,即西元一九二五年,死時為中國國民黨總理。死後多年,一九四〇年四月一號,中華民國尊佢為國父,中華民國政府改稱為 國父遺囑 。份遺囑多年來為中華民國所尊崇,尤其係蔣介石執政期間。 孫文一九二五年病重之時,正值聯俄容共,廣州政權時期,身邊中國國民黨要員驚總理無遺囑之下死去,於是乎幫佢擬定遺囑,孫文過目滿意,一字未改,再另立家事遺囑。份總理遺囑汪精衞做筆記者,二月廿四號寫好。三月十一號,孫文病危,其妻宋慶齡協助下簽名。而簽名證明人宋子文,其子孫科,以及孔祥熙、戴恩 ...

                                               

1911年

中國(農曆):宣統二年十二月初一~宣統三年十一月十二 蒙古(農曆):共戴元年 朝鮮:檀紀4244年 儒略日:19037 - 19401 猶太曆:5671年4月1號~5672年4月10號 越南(農曆):維新四年十二月初一~維新五年十一月十二 日本:皇紀2571年;明治44年 佛曆:2453年10月2號~2454年10月11號 回曆:1328年12月29號~1330年1月10號

                                               

民族路 (中山)

民族路 (粵拼: man 4 zuk 6 lou 6 )係中國廣東中山嘅東西走向馬路,喺石岐。西邊從孫文中路開始,一直去到東邊嘅華柏路同柏苑路嘅交界。成條路似弧形噉。

                                               

揭單

揭單 ,單一種,錢銀嘅法律文件,按單上條款,法律上憑單可以攞到錢銀。通常見於借錢,憑紙得本金同利息。銀行本票都係揭單,理論上銀紙都算。 英文叫佢做 promissory note 。 孫文都曾經同鏡湖醫院簽過揭單,借錢開咗中西醫局。

                                               

中國國民黨

中國國民黨 係由孫文創立嘅政黨。佢嘅前身依次序係 興中會 、 中國同盟會 、 國民黨 同埋 中華革命黨 ,孫文喺1919年將中華革命黨改組為中國國民黨。中國國民黨喺傳統上將由興中會至中國國民黨嘅發展歷程視為一脈相承,故此會以興中會成立嘅1894年為中國國民黨嘅創黨年。中國國民黨1928年以國民革命軍北伐,建立全國統一嘅政權,統治大陸至1949年。1949年,中國國民黨領導嘅中華民國政府喺中國大陸撤守,12月11日,中國國民黨中央黨部由大陸搬去台北。 中國國民黨現任主席係江啟臣,暫時冇副主席,秘書長係李乾龍。

                                               

中山市

中山 (粵拼: zung 1 saan 1 ),喺中國廣東,舊稱 香山 。家下佢係一個地級市,叫 中山市 。中山原本係個島,又係個縣。大清時叫 香山縣 ,民國時改叫 中山縣 ,以紀念國父孫文(別名孫中山)。個島因珠江三角洲沖積,家下連埋大陸。原縣包括埋今日珠海市,甚至澳門。

                                               

中山紀念堂

中山紀念堂 (粵拼: zung 1 saan 1 gei 3 nim 6 tong 4 )係之前孫文住過嘅大樓。喺臺灣同日本、夏威夷、英國、以及華人地區新加坡、馬來西亞、中國大陸同香港、澳門等都有好多地區有 孫中山紀念館 同 孫中山故居 等有住「孫中山」嘅名嘅紀念館響度。佢可以係:

                                               

翠亨

翠亨 ,又叫做 翠享村 ,亦有寫 蔡阬 或 翠阬 ,係中國一村,喺廣東中山,市治石歧東南,澳門之北。村因孫文鄉下而名聞於世,孫乃中華民國之父。地有孫中山故居紀念館。

                                               

中山

中山 可以係: 人名 中山氏,日本嘅武家 日本人嘅姓氏之一 孫中山,原名孫文,字逸仙,中國國民黨總理,中華民國國父、首任臨時大總統 中山家,日本嘅公家,孫中山嘅由來 地名 中山郡,中國漢代至晉代嘅一個郡,又改為中山國,位於今河北省西北部 中山町,日本山形縣東村山郡下轄嘅町 中山路,台灣同中國大陸好多城市都有中山路 中山道,日本江戶時代嘅五街道之一 中山區 基隆市,台灣基隆市下轄一個區。 中山區 大連市,遼寧省大連市下轄一個市轄區 中山國 琉球,琉球群島三山時代嘅三個國家之一,其後吞併南山同埋北山兩國,又稱為琉球國 中山郡首府,今定州市 中山市,廣東省下轄一個地級市,古稱 香山 中山縣 唐朝,唐朝時短暫設置嘅縣, ...

                                               

中華民國總統府 (搞清楚)

中華民國總統府 喺民國37年(1948年)成立,係中華民國總統、副總統嘅幕僚機關。自設置以來,以「中華民國總統府」作為正式名嘅建築有: 1949年(民國38年)以前: 南京總統府 ,喺大陸地區嘅南京市。民國38年(1949年)4月24號被中共佔據,現址改咗做博物館。 1949年(民國38年)以後: 臺北總統府 ,喺臺灣臺北市。前身係日治時期嘅「臺灣總督府」,2006年前叫「介壽館」。 行憲前嘅「總統府」:民國10~11年間: 廣州總統府 ,喺大陸地區嘅廣州市。孫文喺廣州為建置護法軍政府而成立;後因陳炯明叛變,毀咗。現址已改建成中山紀念堂。

                                               

1925年

檀紀:4258年 朝鮮半島 越南(農曆):啟定九年十二月初七~啟定十年十一月十六 中國:民國十四年 主體十四年 日本 大正十四年 皇紀:2585年 修正儒略日(MJD):24151 - 24515 蒙古:蒙古人民共和國十五年 猶太曆:5685年4月5號 - 5686年4月14號 佛曆:2467年 - 2468年 回曆:1343年6月5號 - 1344年6月15號

孫文
                                     

ⓘ 孫文

孫文 (1866年11月12號 - 1925年3月12號)係大清同中華民國人,中華民國國父,中國國民黨總理。佢以搞革命推翻大清,建立中華民國而聞名。孫文流亡日本嗰陣,化名 中山樵 ,後人亦尊稱 中山先生 ,冠氏則爲 孫中山先生 ,因此有人誤以 孫中山 係佢個名。佢一生從未用過孫中山呢個名。

孫文原本係大清廣東香山縣(而家叫中山市)人,佢去過世界各地密謀推翻大清,建立共和國。

民國二十九年(1940年),國民政府通令全國,讚揚孫文「倡導國民革命,手創中華民國,更新政體,永奠邦基,謀世界之大同,求國際之平等」,尊稱佢為「中華民國國父」。孫文被國民黨尊稱「永遠嘅總理」;共產黨就叫佢做「革命先行者」。喺大陸亦有人叫孫文做「現代中國之父」。

                                     

1. 名

孫文用過好多個名,多數係為咗宣揚革命或者擺脫通緝而改嘅,少部分就係表達抱負。

除咗下列實際用過嘅名,孫文曾經用過 陳文 、 山月 、 杜嘉偌 、 公武 、 帝朱 、 高達生 等化名,以及 杞憂公子 、 中原逐鹿士 、 南洋小學生 、 南洋一學生 等筆名。 1912年民國成立之後,孫氏本人喺所有公私檔案均以「孫文」署名。喺西方,孫氏以" Sun Yat-Sen ”( 孫逸仙 )呢個名聞於世。

此外,孫文曾經自稱為洪秀全第二,並認為洪氏為「反清英雄第一人」。有人認為呢個係因為孫文接受西式教育,不受傳統忠君觀念嘅束縛,才敢於如此自稱;臺灣歷史教料書亦採用此說。

至於「 孫大砲 」呢個名係當時政治對手揶揄孫文嘅外號,來源有多種說法:包括:為袁世凱所改,或係粵語「不切實際之人」嘅意思,暗諷孫文言辭誇大但唔實在。

又,孫文係香港西醫書院讀書時,常當眾倡言反清,聞者多膽怯走避,惟陳少白、尢烈、楊鶴齡附和之,乃得四大寇之花名。

                                     

2.1. 生平 早年

清同治五年十月初六日(1866年11月12日),孫文喺中國廣東省香山縣(今中山市)翠亨村農民嘅屋企出世,係家中么仔。

七歲嗰陣去私塾接受傳統教育。

1879年,十四歲嘅孫文受大哥孫眉接濟,跟住阿媽搭輪船去夏威夷,始見「滄海之闊,輪舟之奇」。孫文喺當地英國國教會開辦嘅用英語小學「意奧蘭尼書院」(Iolani School)修讀英語、英國歷史、數學、化學、物理、聖經等科目。

1881年孫文畢業,獲夏威夷王親頒英文文法優勝獎。之後進入當地最高學府、美國教會學校「奧阿厚學院」(Oahu College)(相當於中學程度)繼續學業。

1883年因為有信基督教嘅意向,孫文被大哥送返屋企。

同年冬天,孫文過咗來香港,同陸皓東一齊受公理會洗禮,並就讀於拔萃書屋,卽拔萃男書院前身。 1884年,孫文轉入香港國家大書院,卽皇仁書院前身。

1887年,孫文進入香港西醫書院,卽香港大學前身。

1892年7月孫文係首屆兩名畢業生裏面,以第一名嘅成績畢業,並獲當時嘅香港總督威廉 羅便臣親自頒獎。

之後佢去咗澳門、廣州等地行醫。

                                     

2.2. 生平 形成革命思想

孫文最初無講過革命,曾經喺1894年上李鴻章萬言書中,提出多項改革建議,惟李鴻章斷拒。

失望之餘,孫文11月24日去檀香山茂宜島募款組織興中會,提出「驅逐韃虜,恢復中國,創立合眾政府」嘅口號,企圖以排滿思想為其革命事業鋪路。 1895年孫文到香港,會見舊友陸皓東、鄭士良、陳少白、楊鶴齡等人,準備籌畫生平第一個革命組織興中會,以「驅除韃虜、恢復中國、創立合眾政府」為目標。

同年2月12日,香港興中會總會正式成立,地址係中環士丹頓街13號。

其時,楊衢雲、謝纘泰等人已先以「開通民智、改造中國」為宗旨創立「輔仁文社」。孫文以志業相近,遂與輔仁會社接洽,衢雲等欣然同意舉全社併入興中會;於是租定總會所一處,託名「乾亨行」。

2月20日,孫文於香港大學公開演講,其中提及佢嘅革命思想源於香港。

                                     

2.3. 生平 革命期間

1895年2月21日(正月二十七日),興中會總會喺香港成立,與會者都以「驅除韃虜,恢復中華,創立合眾政府」為誓,興中會選出楊衢雲為會辦(當時稱為伯理璽天德,即 President),孫文為秘書。3月16日(二月二十日)首次幹部會議決定先攻取廣州為根據地,並採用陸皓東所設計嘅青天白日旗為起義軍旗,即分工展開各種活動,孫文主持前方發難任務,楊衢雲主持後方支援工作。孫文進入廣州,創農學會為機關,並廣徵同志,定重陽節(10月26日)為起義之日。但因為事先洩密,呢次起義失敗,以陸皓東為首嘅多數成員被捕處刑,孫文就被清廷通緝,俾香港當局驅逐出境,流亡海外。孫文於11月避往日本,並且剪咗條辮,改着西服。1896年初同妻兒抵達夏威夷,再轉往美國

                                     

3. 遺書

1925年3月11日,孫文喺彌留之際,簽咗三份遺囑。今日中國人成日提到嘅「革命尚未成功,同志仍須努力」出自孫文留畀國人嘅政治遺囑。佢當日托咐何香凝要「善視孫夫人(宋慶齡)」,「弗以其夫人無產而輕視」,何香凝回答:「先生,我親近先生二十多年,同受甘苦,萬一先生不測,我們當儘力保護夫人及先生遺族。我雖然知識能力都很薄弱,但係總算能夠親受總理三民主義嘅教誨,我有一分力量,必定儘力宣傳。」孫文過去一再推遲,但此時係宋慶齡輔助下,簽咗以下三份遺囑。

                                     

3.1. 遺書 家事遺書

  「余國盡瘁國事,不治家產。其所遺之書籍、衣物、住宅等,一切均付吾妻宋慶齡,以為紀念。余之兒女,已長成,能自立、望各自愛,以繼余志。此囑!」

                                     

3.2. 遺書 政治遺書

  「余致力國民革命,凡四十年,其目的在求中國之自由平等。積四十年之經驗,深知欲達到此目的,必須喚起民眾,及聯合世界上以平等待我之民族,共同奮鬥。

現在革命尚未成功。凡我同志,務須依照余所著建國方略、建國大綱、三民主義及第一次全國代表大會宣言,繼續努力,以求貫徹。最近主張召開國民會議及廢除不平等條約,尤須於最短期間,促其實現。是所至囑!」

                                     

3.3. 遺書 致蘇聯遺書

  「蘇維埃社會主義共和國大聯合中央執行委員會親愛的同志:

  我在此身患不治之症。我的心念,此時轉向於你們,轉向於我黨及我國的將來。你們是自由的共和國大聯合之首領,此自由的共和國大聯合,是不朽的列寧遺產與被壓迫民族的世界之真遺產。帝國主義下的難民,將藉此以保衛其自由,從以古代奴役戰爭偏私為基礎之國際制度中謀解放。我遺下的是國民黨,我希望國民黨在完成其由帝國主義制度解放中國及其他被侵略國之歷史的工作中,與你們合力共作。命運使我必須放下我未竟之業,移交於彼謹守國民黨主義與教訓而組織我真正同志之人。故我已囑咐國民黨進行民族革命運動之工作,中國可免帝國主義加諸中國的半殖民地狀況之羈縛。為達到此項目的起見,我已命國民黨長此繼續與你們提攜。我深信你們政府亦必繼續前此予我國之援助。親愛的同志!當此與你們訣別之際,我願表示我熱烈的希望,希望不久即將破曉,斯時蘇聯以良友及盟國而歡迎強盛獨立之中國,兩國在爭為世界被壓迫民族自由之大戰中,攜手併進以取得勝利。謹以兄弟之誼祝你們平安!」

註:以上遺書係孫文先生本人署名嘅文章,由於孫先生已逝超過五十年,版權已經失效,所以錄用。
                                     

4. 思想

孫文大部思想綜合整理自歐美各家,但係也有嘅「兄弟(我)所獨創」(孫文語)。

  • 「人民有權,政府有能」嘅「權能區分」;廣興福利,大有為式嘅「萬能政府」。
  • 人民行使政權嘅基本訓練與條件:民權初步,即議事規則。
  • 民族、民權、民生嘅「三民主義」。
  • 人民之權又稱為政權,有選舉、罷免、創制、複決四種。
  • 政府之能又稱為治權,立法、行政、司法、考試、監察五權分立,係為「五權憲法」。
  • 喺經濟思想方面,提倡社會互助理論,曾說「人類進化之原則與物種進化之原則不同,物種以競爭為原則,人類則以互助為原則。」似係受到查理斯 達爾文進化論與俄國克魯泡特金嘅無政府主義思想嘅影響。
  • 政治現代化建設方面,主張漸進主義嘅軍政、訓政、憲政三階段說。軍政時期優先消滅軍閥土匪,應實行軍管。訓政時期優先基礎建設與民權初步訓練,應實行一黨執政。憲政實行之條件係全國半數以上縣市具有選舉罷免地方首長之條件,公民具有發動創制複決之條件,則選舉召開國民大會制訂憲法,還政於民,實行多黨競爭嘅現代政治制度。
  • 人生哲學:「不做大官,要做大事。」
  • 以王道為基礎嘅區域合作和政治架構:大亞洲主義,以及向國際投資開放嘅實業計畫。
  • 哲學主張:「知難行易」。
  • 中央與地方嘅「均權制度」,以縣為單位嘅「地方自治」。
                                     

5. 家系

參閱 孫文祖籍問題

孫文家族嘅祖居地有" 紫金說”和" 東莞說”兩種。

  • 東莞說”係孫文嘅故鄉翠亨孫氏提出,認為孫氏為漢族,祖居地為廣東省東江流域嘅東莞市上沙村,這種說法主要依據為孫中山家族嘅祖譜。羅香林嘅" 紫金說”提出之後,一直與" 東莞說”針鋒相對,社會上便開始有了關於孫文祖居地嘅爭論。" 東莞說”一直為社會所接受,而家孫氏家族嘅長子嫡孫孫滿等親屬均認同這種說法。
  • 紫金說”係1920年代由廣東籍學者、羅香林提出,認為孫嘅祖居地為廣東省東江流域嘅紫金縣公館地區,認為孫文係佘族後裔,與翠亨嘅孫氏不同宗。

不管" 紫”" 東”哪種學說正確,孫文嘅祖先從粵東東江流域遷居到珠江口西岸嘅香山翠亨村,則係公認嘅。

                                     

5.1. 家系 屋企

孫文嘅阿爺孫敬賢(1789年-1850年),阿嫲黃氏(1792年-1869年),阿爸孫達成,阿媽楊氏,都係翠亨村嘅普通農民。孫文兄弟姐妹6人,大哥孫眉,姊孫妙茜,妹孫秋綺,另有一兄一姐早殤。孫文1884年同本縣僑眷盧慕貞結婚,族譜上陳粹芬係佢妾侍 。1915年同盧氏離婚。同年同宋慶齡結婚。

孫文三個仔女:仔孫科,大女孫娫,二女孫婉(又叫孫琬)都係同盧氏生嘅;孫文同宋慶齡無仔女。

另外孫文同一個日本女仔大月薰生咗個女宮川富美子。

                                     

6.1. 評價 正面

孫文係最早提倡以革命推翻滿清統治,建立民國政府嘅革命家之一。由於孫文早年即接受西方教育,認識西方世界較深,通曉外語,有醫生學歷,喺中國內外都享有知名度;係故被多數外國人視為革命領袖。而喺國內,多數革命者也認為他嘅聲望與能力足以成為革命組織嘅代表人物,也因此孫中山喺武昌起義後順利被選為臨時大總統。

孫文去世後,蔣中正(蔣介石)領導他創建嘅國民革命軍進行北伐,喺名義上完成中國嘅統一。由於當時參與革命嘅主要領導人物,特別係蔣中正、汪兆銘(汪精衛)兩人,均為孫培育出來嘅領導人物,故當時嘅國民政府當以孫為最高嘅精神領袖,並推舉三民主義為治國嘅最高指導。1937年中國抗日戰爭爆發後,孫文成為蔣中正之外,凝聚全國向心力嘅象徵人物之一。國民政府與旗下將領也往往以「保障孫總理嘅革命成果」為號召,鼓動人民建設和將士作戰。因此到戰爭中後期,孫文很自然被推舉為中華民國嘅國父。

對於孫文嘅歷史貢獻分析,主要係認為孫文確係近代倡導共和革命,成功組織成分複雜嘅各種反滿勢力,並注入西方現代政治理論與憲政思想成分嘅領導人。而孫文雖亦重視掌握領袖權力,但較具理想色彩,較能為制度建設之需要而放棄政治資源。孫中山雖倡導武力推翻君主專制,武力弭平軍閥割據,但使用之手段較為溫和,善後措施較為寬容,不採徹底剷除之作法,與蔣介石或毛澤東等強調組織紀律而嚴厲懲處反對者不同。

孫文亦為中國政治經濟現代化之重要階段性人物。孫文較全面地整合了近代西方資產階級民主思想嘅重要成分,包括憲政民主,人民主權選舉、罷免、創制、複決,權力分立制衡,與社會主義等等。另加上其個人認為有必要保留嘅中國傳統制度機構--司法權與考試權,形成五權憲法學說。對西方重要思想喺中國嘅普及,具有推動者嘅作用,促成西化民主派和共產主義派對中國未來建設嘅深入探索。而孫文喺其中採取某種折衷立場,卻堅持共和民主之憲政體制,至今仍有其價值。

                                     

6.2. 評價 負面

清末嘅革命團體普遍只有鬆散嘅組織,多數革命起義實由黃興籌畫同埋統帥,而非直接由孫文領導。時人多將孫黃兩人並列。革命黨內,認同黃為實際領導革命嘅黨人都唔少。 但係1928年國民政府北伐後,黃興嘅人馬被逐漸排除於中國國民黨。黃嘅貢獻亦長期遭到忽視,直到1990年代先重新受到兩岸三地重視。 孫文政治生涯中,因固執以至同同志反目。例如同盟會時代之章太炎、中華革命黨時之黃興,皆曾為孫之股肱,而後來反目不相往來。此外,孫對革命嘅奉獻也許很大,但未必如官方所說般遠遠超過其他革命人士嘅貢獻。但不可否認孫文喺倡導革命思想,組織、領導革命團體都係處於領導者嘅地位。孫文為推翻帝制所付出嘅犧牲與貢獻也為多數人所認同。

一些人認為,孫文喺民國建立以後,有多次作為未能貫徹民主、自由、法治等精神,例如:二次革命時力主使用武力使中國出現分裂。當時宋案未有證據證明係袁世凱指使,袁黃也力主有司法途徑解決。惟孫文一口咬定袁為元兇,指非用武力不可,從此開展了民國多次內戰嘅先河;護法戰爭時召開非常國會嘅合法性;組織中華革命黨採行秘密會黨形式,皆存喺曲解、損害民主及法治嘅表現 。孫文為換取日本支援革命,曾主張把中國東北,也就係滿族嘅發源地-滿洲,讓給日本。此種看法與內地十八省「驅除韃虜」後放棄滿蒙西藏嘅情緒相契。革命黨喺長江中游等地使用之旗幟即為十八星旗然而此類主張雖然喺辛亥革命前後嘅革命組織中相當普通。孫文為討袁,企圖爭取日本反袁。曾喺致日本有司小池張造私函中提出與二十一條相匹敵之不利條件。孫文革命時期曾頗受日本友人資助,流亡時也曾避居日本。建立共和後企圖推動中日合作,曾首先提出大亞洲主義,成為日本大東亞戰爭嘅思想根源之一。惟此一戰略後來不受日本日趨激進嘅擴張派勢力歡迎,孫文轉向俄國。

但許多學者同意,當其時之中國落後,幾不具備對外進行平等互利外交嘅談判資本,許多權宜之計實為不得已嘅作為。歷史上例如李鴻章嘅中俄密約,重慶與延安對德蘇互不侵犯、雅爾塔協定、蘇日中立友好條約、外蒙古爭議性嘅公投獨立等等嘅沈默,國民政府為求美國支援嘅讓步,人民共和國政府為保證蘇聯支援嘅讓步,皆為類似案例。

                                     

6.3. 評價 臺灣

1949年蔣中正領導嘅國民政府兵敗遷臺,國民黨推崇孫文同 蔣中正到幾如聖人咁濟。孫中山被奉若神明,而蔣介石則以現世為一孫文繼承人自居。舉凡文章、廣播、電視、電影、歌曲,任何文藝創作只要冠上" 國父”或" 三民主義”等字,無分良否皆一昧獲得讚揚,但罕有學術性價值。國民政府又命全國中高等教育學生接受三民主義課程嘅洗禮,內容就雜亂不堪,包括蔣介石訓詞等幾種成分。而孫中山關於民生主義同共產主義唔同嘅討論,聯俄容共之史蹟,民權初步之落實,結束訓政還政於民之承諾皆絕口不提,改為宣傳蔣介石著作蘇俄喺中國所述蘇俄之暴行。各種中國國民黨支持嘅三民主義研究團體與學校社團遍及全台,其實就係國民黨嘅外圍組織。大學入學考試甚至將三民主義同國文、數學、英文等並列主科。國民黨政府更喺各學校、車站等公共場所豎立孫、蔣銅像。直到1987年戒嚴令解除為止,台灣無一日唔喺" 國父”嘅之陰影下生活。" 國父”成為絕對正確嘅代表,亦成為國民黨壓制反對聲浪同反省批評嘅藉口。

解嚴後,一般民眾及學者開始批判國民黨塑造出來嘅國父絕對神聖及絕對威權,各種民間與社會組織也以實際行動推動廢除教育體制裡有關" 三民主義”嘅部分。如臺獨運動人士一向反對神化孫文,但如李筱峰等仍肯定孫文革命及學者精神,進而批判國民黨實施嘅高壓恐怖統治,已與孫氏理念完全違悖。今日臺灣民眾多對蔣中正評價較差,但對孫文仍多持肯定態度,今日國民黨亦多以蔣介石個仔蔣經國同孫文作為號召,較少以蔣介石為標榜。

孫文一生曾訪臺四次,但對今日臺灣嚟講,同文山最密切之處,仍係隨處可見嘅新臺幣100圓紙鈔:上有孫文畫像及手書「博愛」二字。

                                     

6.4. 評價 中國大陸

喺中國大陸,由於孫文生晚年對中國共產黨採取聯合嘅政策;過世後遺孀宋慶齡更透過實際行動表達支持共產黨嘅立場,故為少數1949年後仍享有崇高名望嘅國民黨籍革命人士。最明顯嘅例子,係喺中華人民共和國成立後,原先常見嘅街道名稱中正路大多被改名,而中山路及中山公園等卻多保留至今。現今中國官方對孫文嘅評價係一個" 中國近代民主革命嘅偉大先行者”。

近年來湖南電視台拍攝咗一出重要嘅清末民初共和革命歷史劇--走向共和,當中對孫文嘅形象有較生活化嘅鋪陳,並適度突出咗共和革命與民主制度嘅價值。

                                     

7.1. 紀念 假期同節日

  • 孫中山先生壽辰假期(台灣)
  • 植樹節(將孫文嘅逝世紀念日3月12號定為植樹節)
                                     

7.2. 紀念 銀仔

  • 中華民國銀幣 2毫
  • 中華民國銅幣 50圓
  • 孫船銀幣 銀幣1圓
  • 中華民國鎳幣 半圓
  • 中華民國開國紀念幣 銀幣1圓
  • 中華民國甘肅孫像5枚 銅幣
                                     

7.3. 紀念 銀紙

  • 舊臺幣
  • 國民政府1928-1949中央銀行發行之紙幣
  • 第二套橫式新臺幣
  • 第三套直式新臺幣
  • 第三套橫式新臺幣:10圓、50圓、100圓
  • 第五套橫式新臺幣:100圓
  • 第四套橫式新臺幣:100圓
  • 第一套橫式新臺幣
  • 第二套直式新臺幣
  • 第一套直式新臺幣
                                     

7.4. 紀念 郵票

  • 國民政府1928-1949各套郵票
                                     

7.5. 紀念 紀念館

  • 澳門國父紀念館
  • 各地孫文紀念館
  • 南京中山陵
  • 臺北國父史蹟紀念館
  • 臺北國父紀念館
  • 香港孫中山紀念館(前甘棠第)
                                     

7.6. 紀念 名稱紀念

  • 位於高雄市嘅國立中山大學
  • 各地以中山、逸仙為名嘅小學或者中學
  • 位於廣東省嘅中山大學
  • 學校
  • 建物或設施
  • 中國南極中山站
  • 中山植物園
  • 中山堂
  • 中山公園
  • 中山門
  • 中山紀念林
  • 陽明山中山樓
  • 逸邨大飯店:位於北投溫泉,日治時期稱「星乃湯」;因孫中山曾下榻,中國抗日戰爭後改用現名。
  • 商業組織
  • 孫文路
  • 中山路
  • 地名或街道名
  • 逸仙路
  • 中山大道
  • 中山區
  • 中山市
  • 臺北捷運環狀線中山路車站 興建中
  • 車站
  • 臺北捷運淡水線中山車站:得名自鄰近中山市場
  • 臺北捷運松山線中山車站:得名自鄰近中山市場 興建中
  • 臺北捷運新莊線中山國小車站
  • 臺北捷運南港線國父紀念館車站
  • 臺北捷運木柵線中山國中車站
  • 廣東省立中山圖書館
  • 中山市中山圖書館
  • 圖書館
  • 中山琴
  • 中山裝
  • 文化
                                     

8. 著作

  • 民權初步,1917年。
  • 實業計劃,1920年。
  • 孫文學說,1919年。
  • 建國方略
                                     

9. 有關音像

  • 香港:電影「宋家王朝」、「黃飛鴻II--男兒當自強」、「鐵拳無敵孫中山」(同時也係惡搞漫畫)
  • 台灣:電影「辛亥雙十」、「國父傳」
  • 中國大陸:電影「黃埔軍校」、「非常大總統」、電視劇「走向共和」
                                     

10. 其他

  • 台灣李敖話過:孫中山抵台時曾投宿梅屋敷旅社 ,並寫有字條「此地有花姑娘否」欲召妓,且字條仍保留於國民黨黨史會。但國民黨隨召開記者會嚴正否認。
                                     

11. 參閱

  • 王道之狗
  • 鐵拳無敵孫中山
  • 中華民國國歌
  • 黃埔軍校
  • 中山装
  • 革命家一覽
                                     

12. 參考文獻

  • 陳沂,中山先生嘅名字,中央日報2001年8月18日
  • 吳志華,孫中山被囚域多利監獄?,明報2004年10月27日世紀版D4版。
  • 史扶鄰著,丘權政、符致興譯:孫中山 - - 勉爲其難嘅革命家,北京:中國華僑出版社,1996年,ISBN 7-80120-097-7
  • 唐柏橋,百年民運回顧與反思
  • 唐德剛:晚清七十年:袁世凱、孫文與辛亥革命,臺北:遠流,1998年, ISBN 957-32-3515-3
                                     

13. 註釋

  • ^ 其主要內容為:孫文以為共產組織,及蘇維埃制度事實均不能引用於中國,因中國無可使此等制度成功嘅狀況。越飛同意,並認為民國統一與國家獨立係中國當前首務。越飛重申蘇聯願意拋棄沙俄時代嘅中俄條約,另外與中國交涉新約。越飛重申蘇聯無意使外蒙與中國分立。
  • ^ 部份關於對孫中山走向獨裁之批評,見廣州中山大學哲學系教授袁偉時關於孫中山之研究:  ,亦見參考文獻內唐德剛作品
  • ^ 呢單嘢到底真定假,史者重抝緊。參考陳炯明一文。
  • ^ 孫文致日本有司小池張造私函原件內曾提出以二十一條相匹敵之條件,以換取聯日、討袁。該函件由日本學者松末英紀教授從日本戰前檔案中影印,並喺1986年於孫中山先生誕辰一百二十週年學術討論會中發表。哥倫比亞大學教授 C. Martin Wilbur 著作 SUN Yat-Sen: Frustrated Patriot New York: Columbia University Press: 1976內亦有引英日文史料證明。
  • ^ 摘自(台灣)國民中學歷史教科書第二冊(民國八十八年一月初版)P.57:「他 (指孫中山) 早年嘅生活有兩個特色:一係出身平凡農家,生活樸實而活潑,受傳統名教嘅束縛少,因為敢於做『洪秀全第二』;二係受西方新式教育,得科學文化洗禮,思想切實而具開創性,故不惜為「四大寇」之一。… (餘略) 」
  • ^ 孫與陳粹芬未有正式婚禮,但孫之兄長孫眉,及其原配盧氏皆視陳為孫之妾;並載之於族譜之內,陳身故後亦下葬於孫家之家族墓園之內。陳為孫革命時之伴侶。
  • ^ 美國此時正實施排華法案。中國人除政府官員,少部份留學生外,一律禁止入境。孫中山係以宣誓取得夏威夷出生紙後,申請得到美國護照入境。
  • ^ 梅屋敷旅社位於台北車站附近,今日成為國父史蹟紀念館,連附近嘅道路一併改稱「中山北路」。
                                     

14. 出面網頁

  • 孫中山學術研究資訊網(國立國父紀念館及中國國民黨黨史館)
  • 中山偉人(中山陵)
  • 晚年孫中山(潘惠祥,2003年3月。討論孫文對民主嘅誤解及誤用嘅文章。)
  • 孫中山(孫中山故居紀念館)
  • 偉人孫中山(中山文化資訊網)
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →