上一页

ⓘ 翡翠台



                                               

高清翡翠台

高清翡翠台 ( 粵拼: gou 1 cing 1 fei 2 ceoi 3 toi 4 ) (HD Jade)係香港無綫電視旗下一條以高清格式播放嘅數碼電視頻道,喺2007年12月31號夜晚7點正式開播,係香港全日24個鐘廣播嘅免費高清電視頻道,有高清製作同升頻到1080i既節目,每日黃金時段都會同翡翠台做同步廣播。呢個頻道之後改過幾次名,2016年2月22號改名做無綫電視J5台,2017年8月15日號改名做無綫財經台,2018年1月15號改名做無綫財經 資訊台。

                                               

無綫翡翠台

翡翠台 ( 粵拼: fei 2 ceoi 3 toi 4 ) 嘅國際版係香港電視廣播有限公司旗下嘅電視廣播(國際)(TVBI)一條以粵語廣播為主嘅綜合娛樂頻道,對象係香港地區以外嘅海外觀眾,節目主要嚟自香港嘅翡翠台。 2020年7月1號,呢個台嘅台名改咗做翡翠台。

                                               

翡翠台 (搞清楚)

翡翠台 通常指香港免費電視81頻道,重可以係: 普通話翡翠台,舊時香港地區以外嘅普通話電視頻道 無綫翡翠台,香港地區以外嘅粵語電視頻道 高清翡翠台,舊時香港嘅免費電視頻道

                                               

普通話翡翠台

普通話翡翠台 ( 粵拼: pou 2 tung 1 waa 6 fei 2 ceoi 3 toi 4 ) (英文: Mandarin Jade )係香港電視廣播有限公司一條停播咗嘅海外頻道。喺2018年3月19號16:00(UTC+8)喺TVB Anywhere開播。內容包括新聞資訊、普通話配音嘅香港劇集、綜藝娛樂、旅遊節目同飲食節目等。 個頻道以普通話做全日24小時廣播,入面用簡體中文字幕,透過TVB Anywhere平臺向當地同海外唐人播出。啟播當日嘅第一個節目係澳新版本嘅新聞報道。曾經喺開播期間,向過澳洲、英國同歐洲、加拿大東西地區播出過普通話版嘅新聞報道、財經資訊、唐人社區、國際政治等新聞資訊,及提供過海外嘅升學移民、社區生活等一系列消息。亦試過提供一部份喺無綫電視播出嘅綜藝娛樂 ...

                                               

第一台

第一台 或者 一台 可以係: 香港 翡翠台,無綫電視嘅電視頻道,2008年香港數碼地面電視廣播推行前被慣稱「第一台」 香港電台第一台,香港電台旗下嘅廣播頻道 有線第1台,香港有線電視舊時嘅電視頻道 雷霆881,通稱「商業一台」,香港商業電台旗下嘅廣播頻道 臺灣 八大第一台,八大電視嘅電視頻道 民視第一台,民間全民電視嘅電視頻道 英國 英國廣播公司第一台,英國廣播公司嘅電視頻道

                                               

第二台

第二台 或者 二台 可以係: 香港 本港台,亞洲電視舊時嘅電視頻道,2008年香港數碼地面電視廣播推行前被慣稱「第二台」 叱咤903,通稱「商業二台」,香港商業電台旗下嘅廣播頻道 無綫電視J2台,試播嗰陣叫「翡翠二台」,無綫電視嘅電視頻道 香港電台第二台,香港電台旗下嘅廣播頻道 英國 英國廣播公司第二台,英國廣播公司嘅電視頻道

                                               

明珠台

明珠台 ( 粵拼: ming 4 zyu 1 toi 4 ) (英文: Pearl )係無綫電視嘅英文電視頻道,部分節目以普通話、日本話或者韓文作麗音廣播。 無綫電視喺1967年11月19號成立,係香港第一個商營無綫電視台,提供免費電視廣播服務。於2007年上半年,黃金時段內(下午7時至午夜),明珠台嘅英文電視頻道平均收視約佔百份之七十,係全港收視率最高嘅英文電視頻道。 1991年,明珠台開始採用麗音廣播服務,提供多語言聲音廣播,觀眾可自行選擇廣播語言(而喺2007年12月31號啟播嘅數碼版本,就採用多重AC-3位流提供多種語言廣播)。基本上,明珠台喺部份節目提供廣東話同埋英文作廣播(主要喺連續劇,紀錄片等其他類型節目比較少)。而中文字幕喺下晝6點20 ...

                                               

Sunday靚聲王

係個由香港電視廣播有限公司製作嘅綜藝節目,由汪明荃、鄭少秋、林曉峰主持,喺香港時間2015年2月15日號逢禮拜日晚21:00 - 22:00喺翡翠台同高清翡翠台播出。節目內容係分享經典金曲,同啲舊時趣事為主。

                                               

學是學非

(英文: Sidewalk Scientist )係香港電視廣播有限公司製作嘅生活資訊節目,到依家拍咗7輯。節目會用輕鬆搞笑嘅手法,包括趣劇同實驗,去解答生活同科學嘅知識。節目名嚟自傳統粵語俗語「學是非」。

                                               

互動新聞台

互動新聞台 (頻道冧巴83)係無綫電視喺香港數碼廣播啟播後,其中一條新增設嘅標清頻道,提供新聞、財經及資訊等互動資訊,喺2008年11月11號上晝6點開始試播,2009年1月1日正式啟播,現時該頻道同無綫新聞台嘅新聞同節目進行聯播。頻道未正式試播前叫做「互動資訊台」,直到正式試播當日先至改名。佢競爭對手包括:亞洲電視新聞財經頻道、有線電視新聞台同Now新聞台。 無綫電視表示呢條頻道較為「窄播」(Narrowcasting),開設呢條頻道係「為社區服務」。 2017年8月15號開始,呢個頻道變做無綫新聞台。

                                               

紅葉瀛風

(英文: Travelling With Koyo )係香港電視廣播有限公司製作嘅遊埠節目,由楊思琦、溫家偉、湯寶珍主持。節目喺2011年1月10號到1月21號,逢禮拜一到五22:30-23:00於翡翠台及高清翡翠台播放,共10集。呢個節目介紹日本東北七個縣(青森縣、山形縣、新潟縣、宮城縣、福島縣、秋田縣、岩手縣)嘅自然景物同傳統文化,亦重點展示各地紅葉景色。

                                               

星夢傳奇

(英文: The Voice of the Stars )係香港無綫電視高清製作歌唱比賽電視節目。2013年7月7號至2013年10月13號播出,逢星期日夜晚8點翡翠台同高清翡翠台。參賽者都係無綫電視藝員。首輯由鄭俊弘奪冠軍。

                                     

ⓘ 翡翠台

翡翠台 ( 粵拼: fei 2 ceoi 3 toi 4 ) (Jade),係無綫電視嘅旗艦頻道,喺1967年11月19號正式啟播,大部分時間都係用廣東話播放,部分嘅節目就會利用麗音技術(模擬版本)或者係多重AC-3位流(數碼版本)同時以普通話或者英語等語言播放。翡翠台多元化嘅節目包括新聞、電視劇、綜藝、動畫同埋訪談節目等。主要嘅競爭對手係亞洲電視嘅本港台。

                                     

1. 收視

通常翡翠台最高收視嘅時段係星期一至五晚20:00-22:30,平均收視去到32點,佔全港電視觀眾80%以上,而喺其他時段翡翠台都有比較高嘅收視。主要原因係大部份香港觀眾都認同翡翠台嘅節目製作質素總括嚟講都比同樣係免費電視嘅中文頻道本港台好。另一方面,有啲觀眾認為,翡翠台嘅畫面質素好過本港台,對於呢啲見解,曾經有觀眾喺2007年6月30號晚進行比較;嗰晚翡翠台同本港台都係同時播放同一個節目--慶祝香港回歸祖國十週年文藝晚會,觀眾喺睇翡翠台嘅畫面一陣之後,再將畫面轉到本港台,有啲觀眾認為,本港台轉播嘅畫面差過翡翠台。

從90年代到而家,香港成立咗唔少新嘅收費電視台,例如衛星電視、有線電視、寬頻電視等等,但係整體觀眾人數同影響力仍然遠遠唔及無綫,箇中嘅原因,係翡翠台所製作嘅免費節目嘅質素已經可以滿足到大部份香港觀眾,而唔駛再花費收睇收費電視(無線電視本身亦都有開辦收費電視,叫做無綫收費電視,但係開台到而家都係蝕)。因為咁樣,造成無綫有唔少高忠誠度嘅觀眾,形成慣性收視;呢種情況喺世界上實屬罕見,喺其他國家同地區,電視行業競爭激烈,幾乎所有電視台都" 勢均力敵”,並冇出現好似香港咁樣由一間電視台(就香港嚟講,就係指無綫)「一台獨大」嘅情況。

無綫擁有慣性收視嘅最佳例證,係喺90年代,無綫電視曾經因為發射站故障而令到所有觀眾都睇唔到呢個台嘅節目三十分鐘,畫面剩係見到雪花(無訊號畫面),仍然成功取得五成幾收視。

慣性收視帶嚟嘅結果,係無綫嘅製作同藝員團隊因為咁樣而日益龐大,並且擁有先進嘅電腦設備同擁有兩個金曲頒獎典禮、香港小姐、歌唱賽事、台慶同埋其他大型節目等。

                                     

2. 數碼同步廣播

翡翠台喺2007年12月31號正式開始以地面數碼訊號同步廣播,並用81為台號。數碼廣播嘅翡翠台內容同模擬廣播嘅一樣,但係會以16:9輸出。字幕方面,可以揀顯示繁體中文、簡體中文或者英文,又或者可以閂咗佢。

                                     

3. 中國廣東省收睇翡翠台

翡翠台覆蓋範圍覆蓋成個廣東省同埋廣西省梧州市農村(廣西成個省嘅電視信號係由省台嘅數碼電視壟斷,用嚟轉播中央電視台同各地中國當局所辦嘅電視台頻道,目前剩係得梧州市農村地方可以睇到香港嘅電視台)。

                                     

3.1. 中國廣東省收睇翡翠台 廣州

廣州而家有兩間有綫電視台,一間係「廣州有綫珠江數碼」(即係「市綫」),由「廣州電視台」負責接收衛星信號播出,另一間係「廣東有綫廣播電視網絡股份有限公司」(以前叫做「廣東省有綫電視台」,簡寫「廣東廣電網絡」或「廣東有綫」,即係「省綫」)係由「南方電視台」負責接收衛星信號播出。監管廣州市有綫電視嘅政府機構係「廣州市新聞出版和廣播電視局」,監管廣東有綫電視嘅政府機構係「廣東廣播影視局」,呢兩間政府機構都有網上投訴項目,如果觀眾發現翡翠台或者明珠台等等境外電視台被插播圖標廣告,有綫電視就係犯咗法,觀眾可以立即舉報投訴。喺廣州,「省綫」插播嘅本地廣告比較少,所以不時都可以睇到香港翡翠台嘅原裝廣告,而「市綫」就將翡翠台當做自己嘅電視台一樣,喺黃金時段不斷播當地廣告,而且就算當地廣告已經播完,都仲係唔肯轉返返去,而係繼續播宣傳自己廣州電視台節目嘅宣傳片,令到當地嘅翡翠台觀眾錯過咗節目嘅開頭同最尾幾分鐘內容。廣東有綫轉播翡翠台時,有啲節目亦會有內地企業嘅贊助(不過香港就冇),亦會有一啲本身喺翡翠台播但冇任何宣傳嘅節目(例如晏晝翻播嘅劇集,但本身嗰個時段係唔會有任何宣傳)。

喺廣東省,翡翠台一播啲敏感嘅新聞片段,會被省線同埋市線用預先錄製嘅香港公益廣告(政府宣傳片)覆蓋;如果成個節目都係有關敏感話題嘅話,就會以預先錄製嘅節目全程覆蓋。基本上,新聞透視、鏗鏘集、星期日檔案、議事論事同頭條新聞等節目成日會被封鎖甚至全程封鎖;喺電視劇結束出片尾字幕嘅時候,會突然插播廣告,最後亦都會出現返片尾字幕嘅後半部分同下集預告(有時甚至完全遮擋嗮,令觀眾睇唔到下集預告);有時周末通宵播電影嘅時候,都會半路插播廣告。喺2008年汶川大地震後嘅全國哀悼日,廣東有線禁止除新聞外所有節目同廣告嘅播放,改為轉播中國中央電視台綜合頻道(中央一台或央視一套,CCTV-1)節目;喺2010年嘅全國哀悼日停播期間,就用藍色畫面,提示「冇任何節目同廣告播映」;深圳有線電視(天威視訊)就顯示黑色畫面表示哀悼,但使用數碼廣播收睇嘅就唔受影響。

喺2009年6月12號前,市線同省線都係用獨立嘅信號源。由於有線電視審查境外電視嘅判斷時間僅有大約30秒,因此好容易造成誤判或漏判。廣州有線喺2009年6月4號因為遮漏咗幾十秒六點半新聞報道關於紀念六四事件嘅片段,導致部分編輯畀人停職同埋處罰,而廣州有線亦因此冇咗獨立接收香港電視嘅權利。自從嗰日之後,廣電總局規定由2009年6月12號凌晨開始,廣東省轉播嘅境外電視頻道,必須採用廣東省有線電視(亦即係「省綫」)作為訊號來源。就係因為咁樣廣州有線轉播嘅境外電視頻道畫質一直惡劣,無綫台徽三基色喺部分區級有線入面嘅紅色經常變成黑白 。呢個係有線電視先經省線再經市線轉播時,雙重延時插播嘅訊號損失,所以搞成咁。



                                     

3.2. 中國廣東省收睇翡翠台 廣東其餘地區

喺廣東省其他城市收睇到嘅翡翠台節目都係嚟自廣東有線廣州省網或U互動源,呢個信號就係喺廣州市播放嘅信號,當呢個信號傳送到下面縣市嘅時候,就會再畀當地市級電視台、縣級電視台、同埋鎮級電視台層層插播,結果往往會導致插播廣告超時,而且由於插播廣告嘅質素參差不齊,通常最底下嘅電視台插嘅廣告最核突。尤其喺部分縣級直轄市,經常出現三重及四重插播嘅情況。不過廣東有線同埋地方有線嘅做法,亦令部分市民不滿。因插播廣告有時令觀眾錯過咗節目/劇集某一部分嘅開頭,有時甚至連劇集主題曲被插播廣告而屏蔽(即插播本地廣告再轉回翡翠台訊號時節目/劇集已經開始咗一段時間)。

喺2017年3月24號朝早之前,廣東有線播出期間一直都維持4:3嘅模擬信號。2017年3月17號,廣東有線喺東莞分公司嘅接收數碼版招標成功,計劃喺同年3月24號從4:3信號改成16:9信號傳輸。2017年3月24號10點32分(UTC+8),廣東地區原先轉播嘅4:3模擬信號正式變成從東莞嗰邊傳嚟嘅16:9數碼信號版 。

廣東有線喺1994年成立兼睇實翡翠台睇敏感新聞同插播廣告範圍,一直以嚟都用嘅係4:3嘅插播畫面。直到2017年5月9號,原先插播嘅香港公益廣告都換成16:9版。插播嘅偽節目亦直到2017年六一兒童節先至換成16:9版。

                                     

3.3. 中國廣東省收睇翡翠台 收視服務及費用

而家廣東省嘅觀眾如果想睇翡翠台,一定要同所在城市嘅有綫電視台申請報裝有綫電視服務,並以有線電視型式接收電視訊號,每個月畀大概20蚊人民幣嘅收視費(廣州地區¥26.5)。不過,地方有線電視台仍然會插播本地廣告以增加收入。

                                     

3.4. 中國廣東省收睇翡翠台 播放內容

節目播放方面,中國大陸收睇翡翠台嘅節目同香港收睇嘅一樣(但係因為地方電視台將嚟自廣州嘅有線電視插播廣告遮蓋,所以節目嘅開頭同結尾小部分時段會被剪咗),但喺廣告時段同埋播放中國大陸敏感嘅政治消息時,地方電視台會插播廣告或者預先錄好嘅香港政府宣傳片(1998年之前係測色版畫面)。中國大陸民眾會將呢類插播叫做「Cut 咗」(源自英文cut)。

                                     

4. 海外版本

喺洛杉磯有線電視同三藩市有線電視播放,以粵語轉播,著重提供南加州嘅訊息。除咗全日轉播香港,美國同國際新聞之外,另外有當地新聞同社區消息。資訊性節目包括財經報導同時事談討節目。另外有連續劇,娛樂新聞,兒童節目,音樂節目,生活資訊,旅遊節目等等。重有翡翠美東台同翡翠美西台,都以粵語轉播為主。翡翠美東台畀觀眾收睇TVB劇集,馬拉松式不停播放,畀班觀眾一次過睇幾集。TVB劇集分時裝同古裝兩大類。時裝劇包括動作、喜劇、合家歡、浪漫愛情、科幻等等。而古裝劇集就包括參考自中國文化歷史同文學巨著嘅功夫武俠片同歷史巨獻,翡翠美西台提供多元化節目,多數係TVB製作。除咗轉播香港,美國,同國際新聞外,更加有全新嘅TVB劇集,娛樂綜藝、社會民生、兒童節目、卡通片同埋資訊旅遊節目。娛樂節目更加包括音樂節目以及娛樂新聞。

內文:翡翠台 澳洲

澳洲嘅翡翠台係透過TVB Anywhere同埋Fetch TV網絡平台播出,以粵語播放。之前曾經透過翡翠互動電視平台以人造衛星播出過,後尾取消咗。

內文:無綫翡翠台

喺TVB Anywhere平台播出嘅翡翠台會喺香港以外嘅世界其它地區度播出。

                                     

5. 網上直播

電視廣播有限公司曾經有MyTV網站直播翡翠台自製嘅節目,同埋24小時直播互動新聞台,已經喺2017年4月17號終止服務。

                                     

6. 節目內容投訴

  • 香港:香港廣播事務管理局 (剩係負責對廣州市有綫電視違例插播廣告嘅投訴處理)
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →