上一页

ⓘ 伊斯蘭敎史



                                     

ⓘ 伊斯蘭敎史

伊斯蘭教喺7世紀亞拉伯半島興起,不過喺未興起之前,亞拉伯社會主要係以血緣關係嘅氏族制社會,由唔同嘅氏族組成唔同嘅部落,而每個部落就等如一個社會,部落同部落之間唔存在任何利害關係,對於佢哋嚟講,外人就即係等如敵人。所以喺5世紀到7世紀初,部落同部落之間經常發生戰爭,而好多英雄故事就喺咁嘅背景之下流傳起嚟,所以呢個時期又叫做英雄時代,不過亦有人叫呢個時期做愚昧時期,但係呢啲部落間嘅戰爭,亦令氏族制開始起咗變化,為咗令部落壯大,部落同部落之間開始結盟,慢慢令部落嘅組成由血緣演變成以地域為基礎,一啲細嘅部落亦為咗自身安全而投靠大部落之下,於是開始有大規模嘅民族融合。

而當時喺麥加,住咗一班叫古來氏人嘅部落,由於麥加地理環境啱啱接連幾個唔同嘅主要國家,令麥加成為當時經濟中心,而古來氏人亦因為咁而由遊牧變成定居,開始做生意,而「古來氏」正正就係從事貿易獲得利益咁解。由於麥加獨特地理位置,亦令佢對內對外都成為亞拉伯一個經濟中心,古來氏人通過對外做生意吸收唔同智識,同時又通過婚姻或者武力等手段,令其他部落變成自己人,古來氏人因為咁而變成亞拉伯最強大嘅部落,亦令麥加成為一個好繁榮嘅商業中心。 除咗古來氏人之外,其實仲有好多有好勢力嘅部落,好似有一個麥赫祖姆族,因為同波斯做生意而成為其中一個最富裕嘅氏族,另外其他唔同嘅部落,都為咗壟斷利益而不擇手段,壟斷之下造成貧富懸殊,而競爭又造成好多暴力,結果出現好多社會問題同矛盾。

                                     

1. 穆罕默德

而穆罕默德就係喺咁嘅背景之下成長,喺佢40歲嗰年去咗麥加城北希拉山一個山洞靜修,突然收到啟示,話叫佢要負責制止罪惡,之後佢就開始傳教。

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →