上一页

ⓘ 大躍進



                                               

京溪古道

京溪古道 (粵拼: ging 1 kai 1 gu 2 dou 6 )係中國廣東廣州一內街,喺白雲區同和京溪村,西接京溪路;東接沙太中路。 呢條街道之所以出名,係因為大唐時期實行科舉考試之後,廣州一帶考生好多時揀呢條路上去北京考試嘅必經之路,重有啲有錢佬亦成日喺呢條街做休息或搞交易買賣。原先入面起咗青磚門樓,但1958年大躍進時期俾人當成煉鋼材料而拆咗,重將石刻掟埋一邊。直到1996年先至重新整返牌坊同搵返碑刻返嚟。

                                               

掛綠

掛綠 (粵拼: gwaa 3 luk 6 )係荔枝其中一隻常見嘅品種,特色係果皮紅中帶綠,果肉爽甜,畀唔少人話係最靚嘅品種,所以賣得比較貴,古時更做過貢品畀皇帝食。 掛綠原產自廣州增城,當地出產嘅叫 增城掛綠 ( zang 1 sing 4 gwaa 3 luk 6 )。

                                               

太和嶂日軍碉堡

太和嶂日軍碉堡 ( 粵拼: taai 3 wo 2 zoeng 1 jat 6 gwan 1 diu 1 bou 2 ) (注意和字有地名變音)係中國廣東廣州一民國建築遺址,民國廿七年(1938年)10月起好,位置喺天河區漁沙坦嘅鳳凰山公園入邊,太和嶂頂東邊懸崖邊。 碉堡有大同細夾埋兩座,都係抗日戰爭廣州淪陷期間由日軍起出嚟嘅。不過佢哋都俾人破壞過,因為曾經喺1958年大躍進時因搵鋼筋嘅理由而整爛咗呢啲碉堡。雖然喺2004年被列入廣州市登記保護文物,但喺2012年10月19號公佈嘅文物當中,被降級成天河區保護文物。

                                               

1958年

中華民國:民國四十七年 中國 南韓:檀紀4291年 朝鮮半島 北朝鮮:主體四十七年 昭和三十三年 日本 皇紀:2618年 修正儒略日(MJD):36204 - 36568 回曆:1377年6月9號~1378年6月19號 猶太曆:5718年4月9號~5719年4月20號 佛曆:2500年~2501年

                                               

廣州造紙集團

廣州造紙集團 ( 粵拼: gwong 2 zau 1 zou 6 zi 2 zap 6 tyun 4 ) ,又嗌 廣州造紙廠 gwong 2 zau 1 zou 6 zi 2 cong 2 ,簡稱 廣紙集團 或 廣紙 ,係中國廣東廣州嘅工廠,1936年成立,位置喺南沙區珠江街道新廣一路29號。間嘢主要生產紙張為主。 佢亦係中國大陸第一間新聞紙生產企業。

                                               

公安機關

公安機關 (粵拼: gung 1 on 1 gei 1 gwaan 1 )或 公安部門 ( gung 1 on 1 bou 6 mun 4 ),減筆 公安 ,係中國大陸設立嘅執法部門,超廣泛嘅行政、刑偵等職權。公安機關係有武裝嘅治安行政同刑事司法嘅官僚部門,係要維護返統治秩序而要控制社會度啲唔合中共利益要求嘅各種活動,而警權過大,成日會有越軌嘅行為,有著走法律罅、濫權等嘅問題。屬於公安部門嘅警隊,係佔咗中華人民共和國八成六嘅警察力量。

大躍進
                                     

ⓘ 大躍進

大躍進 (粵拼: daai 6 joek 6 zeon 3 )係中華人民共和國喺1958年開始、直到1961年初呢幾年間發生嘅社會運動,呢個社會同經濟計劃期望可以喺共產革命過嘅中國快速打造出一個社會主義嘅現代社會,即透過使用中國龐大嘅人口、令工業同農業發展出現好大嘅進步,最屘令到中國大陸從農民社會做基礎嘅農業經濟體、轉變成基於現代工業嘅共產社會。

呢項工農業大增產政策係由毛澤東所主導嘅。喺1957年反右運動中,毛澤東得到咗黨內主導權,之後佢根據生產力理論施行大躍進政策,先係用權力鬥爭打擊反對派,然後用合作社、人民公社、大食堂呢啲形式將國民財產全部攞走、共有化,透過推進呢啲共產主義政策,毛澤東宣稱話能夠喺數年間掌握核武裝,並且經濟上喺15年以內追上甚至超越美國同英國。

但係,啲政策不切實際,啲手法亦無視現實,導致唨好多危機。尤其係唔顧農村嘅實際,生硬噉推行集體農場、糧食徵購、軍事化管理,啲人喺政策推行過程中唔係處刑死就係捱拷問至死;而且喺農村中用土窯煉鋼,結果衹得廢鋼,並冇實際嘅經濟、生產效益,導致產業、設施、環境嘅大破壞。生產難以進行,生活難以繼續,唯有靠浮誇、造假、欺瞞嚟營造躍進假象。最終邇場運動喺中國國內招來咗大混亂,導致人類史上波及最多人嘅大饑饉,係20世紀最惡劣嘅大饑荒之一,餓死嘅人超過兩千萬,有可能仲多過四千萬,正係毛澤東努力嘅結果。

場運動以大失敗結束後,1962年初嘅中央工作會議七千人大會召開,會上中共研究咗大躍進嘅頹敝後果。雖然大會之前毛澤東就已經受唨指責,但佢喺會上先至做官方檢討。因爲噉,一啲溫和嘅高級黨員、如劉少奇同埋鄧小平,得到咗更多嘅權力,而毛澤東嘅權威冧臺,逐漸冇聲出。出於恢復、鞏固權力嘅目的,毛澤東喺1966年發動咗文化大革命。

大躍進政策係世界上出過最多犧牲者嘅社會主義政策。今時大多數人、無論中國內外,都睇佢係一場經濟大慘禍。

                                     

1. 概述

1957年11月6號,蘇聯共產黨第一書記赫魯雪夫發表宣言話「蘇聯嘅工業生產(鋼鐵同石油、水泥)同埋農業生產可以喺15年以內超越美國。」

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →