上一页

ⓘ 濱洲鐵路



                                               

西部鐵路

西部鐵路 ( 粵拼: sai 1 bou 6 tit 3 lou 6 ) 可以係: 西部鐵路走廊, 香港鐵路系統中服務新界西部嘅部份 西鐵綫,香港鐵路,舊時叫西部鐵路 大西部鐵路,英國嘅鐵路公司 西部鐵路足球會,阿根廷嘅足球會 西武鐵道,日本嘅鐵路公司,有時寫錯做「西部鐵道」 西部鐵路 法國,法國舊時嘅鐵路公司 西部鐵路 奧地利,奧地利舊時嘅鐵路公司 西部鐵路 美國,美國嘅西部鐵路系統 濱洲鐵路,中國東北嘅鐵路,舊時叫西部綫 西部幹線,臺灣嘅西部鐵路幹綫

                                               

大慶站

大慶站 ( 粵拼: daai 6 hing 3 zaam 6 ) 可以係: 大慶站 黑龍江,位於黑龍江大慶薩爾圖區嘅鐵路站,屬濱洲鐵路 大慶站 臺灣,位於臺灣臺中南區嘅捷運站,重整緊,屬烏日文心北屯線

                                               

大慶站 (黑龍江)

大慶站 (粵拼: daai 6 hing 3 zaam 6 )係位於中國黑龍江大慶薩爾圖區嘅火車站,屬濱洲鐵路。呢個站距離哈爾濱站159公里,而離滿洲里站重有776公里。而家係一等站,旅客可以上落,行李可以包起托運。

                                               

滿洲里站

滿洲里站 (粵拼: mun 5 zau 1 lei 5 zaam 6 ;傳統蒙文: ᠮᠠᠨᠵᠤᠤᠷ ᠥᠷᠲᠡᠭᠡ ,中蒙聯合轉寫:Manǰuur örtege,內蒙標準口語音標: )係位於中國內蒙古呼倫貝爾滿洲里嘅火車站,屬濱洲鐵路,由哈爾濱鐵路局管轄。呢個站係濱洲鐵路嘅終點,係中國嘅邊境車站,啲國際列車喺度開出後會檻過中俄國界,去12公里外嘅後貝加爾站換軌來適應俄國嘅鐵軌。 1896年簽訂咗中俄密約之後,俄國攞到咗喺中國東北嘅鐵路修築權,鋪咗條東清鐵路。1901年喺呢度起咗呢個站,因爲係從俄國入滿洲嘅第一站,所以起嘅俄文名叫做「滿洲里亞」(俄文: Маньчжурия ),因爲я(亞)嘅發音比較輕,譯成中文時寫成「滿洲里」。而滿洲里當地原本嘅地名係叫「霍勒金布拉格」( ...

                                               

讓胡路區

讓胡路區 (粵拼: joeng 6 wu 4 lou 6 keoi 1 )係中華人民共和國黑龍江省大慶市嘅一個市轄區。喺大慶西面,面積1394km²,人口56萬(2010年)。

                                               

武廣客運專綫

武廣客運專綫 ( 粵拼: mou 5 gwong 2 haak 3 wan 6 zyun 1 sin 3 ) 係中華人民共和國一條高速鐵路,由武漢去廣州,正線長968公里,連埋廣東、湖南同湖北。 2005年5月條線開始起,至2009年12月通車;由武漢去廣州預計要用4個鐘(原本要10個鐘)。 2007年7月,有傳聞話啲建築材料粉煤灰撈入咗啲假嘢。當局去現場查過,話冇問題。

濱洲鐵路
                                     

ⓘ 濱洲鐵路

濱洲鐵路 (粵拼: ban 1 zau 1 tit 3 lou 6 )係從中國黑龍江哈爾濱到內蒙古滿洲里嘅鐵路幹綫,全長934.8公里,其中黑龍江內長375公里,內蒙古內長560公里,由哈爾濱鐵路局管轄。呢條鐵路原先係西伯利亞鐵路一部分,同濱綏鐵路組成東清鐵路嘅北段,可以一路通去海參崴。而家佢係國際鐵路,連接滿洲鐵路同西伯利亞鐵路,喺滿洲里嗰度檻過中俄國界。濱洲鐵路係東北鐵路網嘅骨幹之一,係連去亞歐大陸嘅重要通道,目前佢承擔住哈鐵57%嘅運輸量,年貨物運輸能力超過一億噸。

個名度,濱指哈爾 濱 ,洲指滿 洲 里,又叫 濱洲綫 ( ban 1 zau 1 sin 3 ),連結住哈爾濱站同滿洲里站。滿洲里嘅名轉音自俄文「滿洲利亞」(俄文: Маньчжу́рия ),意思就係滿洲,滿洲呢個詞本身又有遞隻字做「滿州」,所以條鐵路名又可以寫做 濱州鐵路 、 濱州綫 ,不過同山東濱州一啲拉掕( laa 1 lang 3 )都冇。此外亦有名做 哈滿綫 ( haa 1 mun 5 sin 3 ),取條綫兩端地名首字。因爲佢係東清鐵路西部幹綫,所以又叫 西部綫 ( sai 1 bou 6 sin 3 )。

哈爾濱係因爲東清鐵路而興起,濱洲鐵路亦喺哈爾濱留低遺蹟,其中濱洲鐵路橋係哈爾濱嘅景觀之一。不過條鐵路亦都現代化緊,1983年到1985年間將哈爾濱到安達嗰段複綫化,完成複綫121公里;2014年到2017年間將鐵路全線電氣化。現時全線都係複線電鐵。

由於呢條鐵路經過蒙古族自治地方,所以有蒙古文官名(傳統蒙文: ᠬᠠᠷᠪᠢᠨ ᠮᠠᠨᠵᠤᠤᠷ ᠲᠡᠮᠦᠷ ᠵᠠᠮ ,中蒙聯合轉寫:xarbin manǰuur temür ǰam,內蒙標準口語音標: )。

                                     

1. 史

光緒二十四年(1898年)3月,完成設計,當年6月,就喺哈爾濱同滿洲里兩邊同時破土開工。光緒二十六年(1900年)4月,條鐵軌由哈爾濱站鋪到去 安達站 ,呢段鐵路佔地916.53垧。光緒二十八年(1902年)1月14號,開始臨時營運,光緒二十九年(1903年)7月正式通車。初期浄開通一對嘅旅客列車、以及一對嘅客貨混合列車,平坦路段嘅運行速度係32 km/h,1917年後提到48 km/h,東北淪陷後提到60 km/h。

1935年3月,滿洲國買低全綫嘅中東鐵路。

1983年,哈爾濱站到安達站之間嘅複綫工程開工,到1985年完成121公里長嘅複綫化。

2013年,國際定期貨物列車「中歐班列」開始運行。

2014年10月25號,濱洲鐵路嘅電氣化改造正式動工,到2016年11月3號,哈爾濱到齊齊哈爾嘅鐵路段完成電氣化,開嘅頭班車係K7108次列車;2017年12月11號,完成淨低路段嘅電氣化工程(齊齊哈爾到滿洲里),到12月28號,全線嘅電化完咗,可以通車。

                                     

2. 目前客運

而家濱洲鐵路每日有三趟車從哈爾濱發出(兩趟喺哈爾濱東站,一趟喺哈爾濱站),其中最快嗰趟都要行13粒鐘,最慢要16個鐘,所以有軟硬臥鋪。呢三趟客運列車埋嘅站夾埋有25個,由下面份一覽表列出。

其他站嘅一覽:

                                     

3. 連接綫路

  • 牙克石站 、卓山站:牙林綫
  • 大慶西站、讓胡路西站:通讓綫
  • 扎蘭屯站:阿扎綫
  • 海拉爾東站:伊敏綫
  • 滿洲里站:西伯利亞鐵路支綫
  • 溝口站:博林綫
  • 紅旗營站、 三間房站 、昂昂溪站、齊齊哈爾站:平齊綫、齊北綫
  • 哈爾濱站:京哈綫、哈大綫、拉濱綫、濱綏綫、三棵樹綫、哈齊高鐵
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →